|
Молитва Архангелу Михаилу
( Молитва эта была написана на
паперти храма Архистратига Михаила в Москве, в Кремле, в Чудовом монастыре,
взорванном вскоре после октябрьского переворота.)
Господи Боже, Великий Царь
Безначальный, пошли, Господи, Архангела Своего Михаила на помощь рабу Твоему
(имя), изъяти мя от врагов моих видимых и невидимых,
О, Господень Великий Архангеле
Михаиле, излей мира благого на раба Твоего (имя).
О, Господень Великий Архангеле Михаиле,
демонов сокрушителю, запрети всех врагов, борющихся со мной, сотвори их яко прах
пред лицом ветра.
О, Господень Великий Архангеле
Михаиле, хранителю неизреченный, буди мне великий помощник во всех обидах,
скорбях, в печалех, в пустынех, и на реках, и на морях тихое пристанище. Избави
мя, великий Михаиле, от всякия прелести диавольския и услыши мя грешнаго раба
Твоего (имя), молящегося Тебе и призывающего имя Твое святое; ускори на помощь
мою и услыши молитву мою.
О, Великий Архангеле Михаиле, победи
вся противящиеся мне силою Честнаго, и Животворящаго Креста Господня, молитвами
Пресвятыя Богородицы и святых ангел, и святых апостол, и святого Николая
Чудотворца, и святого пророка Илии, и святых великомучеников Никиты и Евстафия и
преподобных отец и святителей, мученик и мучениц, и всех святых Небесных Сил.
Аминь.
О, Великий Архангеле Михаиле, помози
мне грешному рабу Твоему (имя), избави от труса, потопа, от огня и меча, от
напрасныя смерти и от всякаго зла, и от всякаго льстиваго, и от бури наносимыя,
и от лукавого избави мя, Великий Архангеле Господень всегда, ныне и присно и во
веки веков. Аминь.
(Кто прочитает эту молитву, тот избавлен
будет в этот день от злого человека, от диавола, от всякого соблазна. Если кто и
умрёт в такой день, то и ад душу его не примет.)
Святому Архистратегу Божиему
Михаилу
Святый и великий Архангеле Божий Михаиле, неисповедимыя и пресущественныя
Троицы первый во Ангелех предстоятелю, рода же человеческого приставниче и
хранителю, сокрушивый с воинствы своими главу прегордого денницы на небеси
и посрамляй выну злобу и коварства его на земле! К тебе прибегаем с верою
и тебе молимся с любовию, буди щит несокрушим и забрало твердо Святей
Церкви и православному отечеству нашему, ограждая их молниеносным мечом
твоим от всех врагов видимых и невидимых. Буди ангел Хранитель, премудр
советодатель и споспешник всем православным христианам, износя им от
Престола Царя царствующих просвещение и силу, радость, мир и утешение.
Буди вождь и соратай непобедим Христолюбивому воинству наш, венчая его
славою и победами над супостатами, да познают все противляющиеся нам, яко
с нами Бог и святые Ангелы Его. Не остави же, о Ангеле Божий, помощью и
заступлением твоим и нас, прославляющих днесь святое имя твое; се бо аще и
многогрешны есмы, обаче не хощем в беззакониях наших погибнуть, но еже
обратися ко Господу и оживленным быти от Него на дела благая. Озари ум наш
светом Божиим, иже выну сияет на молниевидном челе твоем, да возможем
разумети, что есть воля Божия о нас благая и совершенная, и ведети вся,
яже подобает нам творити и яже препирати и оставляти. Укрепи благодатию
Господнею слабую волю и немощное произволение наше, да, утвердившеся в
законе Господнем, престанем прочее влаятися земными помыслы и
похотеньями плоти, увлекающиеся, по подобию несмысленных детей,
скорогибнущими красотами мира сего, яко ради тленного и земного безумне
забывати вечная и небесная.
Над всеми же сими испроси нам свыше дух истинного покаяния,
нелицемерную печаль по Бозе и сокрушение о грехах наших, да остающее нам
число дней временного живота нашего иждевем не во угождении чувств и
работе страстем нашим, но во изглаждение зол, содеянных нами, слезами
веры и сокрушения сердечного, подвигами чистоты и святыми делами
милосердия. Егда же приблизится час скончания нашего и освобождения от уз
бренного сего тела, не остави нас, Ангеле Божий, беззащитных противу духов
злобы поднебесных, обыкших преграждати души человечестей восход в горняя,
да, охраняемы тобою, беспреткновенно достигнем оных преславных селений
райских, идеже несть печаль, ни воздыхание, но жизнь бесконечная, и
сподобишеся узрети Пресветлое лицо Всеблагого Господа и Владыки нашего,
падше со слезами у ног Его, в радости и умилении воскликнем: слава Тебе,
дражайший Искупителю наш, Иже за премногую любовь Твою к нам недостойным
благоволил еси послати Ангелы Твоя в служение спасению нашему. Аминь.
|
